கோணாவத்தை பொது நூலகத்திற்கொன தனியானதொரு வாகனத்தரிப்பிடம் இன்மையால் நூலகத்திற்கு அன்றாடம் வருகை தரும் வாசகர்கள் தங்களது வாகனங்களை பாதுகாப்பாக நிறுத்தி வைக்க முடியாது பல்வேறு அசௌகரியங்களை எதிர்நோக்கி வருவதாக தெரிவிக்கின்றனர்.
தினமும் இந் நூலகத்திற்கு வருகை தரும் வாசகர்கள் தங்களது வாகனங்களை நீண்ட நேரம் வீதியோரங்களிலே நிறுத்தி வைக்கின்றனர். இதனால் வாசகர்களின் துவிச்சக்கர வண்டி மற்றும் மோட்டார் சைக்கிள்களை வெயில் மற்றும் மழையில் நிறுத்தி வைக்க வேண்டிய துர்ப்பாக்கிய நிலைமைகளும் காணப்படுகிறது.
மேலும் நூலகத்திற்கு வருவோர் வீதியின் இரு பகுதிகளிலும் தமது வாகனங்களை நிறுத்திவிட்டு நூலகத்திற்குள் செல்கின்றனர். இதனால் அவ்வீதியினால் பயணிப்போரும் பல இன்னல்களை எதிர்நோக்கி வருகின்றனர்.
தற்காலிகமாக கோணாவத்தை கிராம அபிவிருத்திச் சங்க கட்டிடத்தில் இயங்கி வந்த குறித்த பொது நூலகமானது கடந்த சுனாமி அனர்த்தத்தின் பின்னர் நெக்டப் திட்டத்தினூடாக மேற்கொள்ளப்பட்ட அபிவிருத்தி திட்டத்தினூடாக நிரந்தரக்கட்டிடம் அமைக்கப்பட்டு தற்போது அதில் இயங்கி வருகிறது.
சகல பௌதீக வளங்களையும் கொண்டு இயங்கும் இந்நூலகத்தில் தினசரிப் பத்திரிகைகளை பார்த்துக்கொள்வதற்கான வசதிகள் மாத்திரமே காணப்படுகிறது. இருந்த போதிலும் இங்கு வாகனத்திரிப்பிடமில்லாமை பெரும் குறைபாடாகவே காணப்படுகிறது.
பல்வெறு வளங்களையும் கொண்ட இந்நூலகத்தினை அபிவிருத்தி செய்வதற்கு அரசியல்வாதிகளும், அதிகாரிகளும் முன்வராமை கவலை தருவதாகவும் வாசகர்கள் தெரிவிக்கின்றனர்.
குறித்த பொது நூலகத்திற்கு அருகாமையில், கோணாவத்தை ஜூம்ஆ பள்ளிவாசல், அந்-நூர் மகா வித்தியாலயம், ஆயுர்வேத ஆதார வைத்தியசாலை, சுகாதார நிலையம் என பல்வேறு அரச நிறுவனங்கள் அமைந்துள்ளன. இதனால் குறித்த நூலகத்திற்கு நாளாந்தம் 200க்கும் மேற்பட்ட வாசகர்கள் வருகை தருகின்றமை குறிப்பிடத்தக்கது.
எனவே மேற்குறித்த பிரச்சினைகளுக்கு தீர்வு கானும் வகையில் கோணாவத்தை பொது நூலகத்திற்கு அருகாமையிலுள்ள அட்டாளைச்சேனை பிரதேச சபைக்கு சொந்தமான காணியில் வாகன தரிப்பிடம் ஒன்றினை அமைப்பதற்கு அட்டாளைச்சேனை பிரதேச சபை நடவடிக்கைகளை மேற்கொள்ள வேண்டுமென வாசகர்கள் கோரிக்கை விடுக்கின்றனர்.
எமது உத்தியோகபூர்வ பேஸ்புக் பக்கம்பேஸ்புக்கில் எங்களது செய்திகளை உடனுக்குடன் அறிய (Like Page) பக்கத்தை LIKED செய்யுங்கள்.
மேலும் எமது பக்கத்தினை (Share) பண்ணவும்
0 comments:
Post a Comment